«I'm Good (Blue)» | ||||
---|---|---|---|---|
Բիբի Ռեքսայի և Դեյվիդ Գետտայի սինգլը | ||||
Թողարկված | 26 օգոստոսի, 2022 | |||
Ֆորմատ | Երաժշտության ներբեռնում և երաժշտական սթրիմինգ | |||
Ձայնագրված | 2022 | |||
Ժանր | Պարային երաժշտություն | |||
Երգահան | Բիբի Ռեքսա, Դեյվիդ Գետտա, Ֆիլ Փլեսթեդ, Gianfranco, Randone, Մասսիմո Գաբուտի, Մաուրիսիո Լոբինա | |||
Տևողություն | 2:55 | |||
Լեյբլ | What a DJ Warner UK | |||
Պրոդյուսեր | Դեյվիդ Գետտա, Տիմոֆեյ Ռեզնիկով, AHH | |||
Բիբի Ռեքսայի և Դեյվիդ Գետտայի սինգլների ժամանակագրություն | ||||
|
«I'm Good (Blue)», ֆրանսիացի դիջեյ Դեյվիդ Գետտայի և ամերիկացի երգչուհի Բիբի Ռեքսայի երգը։ Որպես սինգլ թողարկվել է 2022 թվականի օգոստոսի 26-ին What a DJ և Warner UK ընկերությունների կողմից։ Երգի հեղինակներն են գետտան, Ռեքսան, Քամիլը և Ֆիլ Փլեսթեդը, իսկ պրոդյուսերավորումը կատարել են Գետան և Տիմոֆեյ Ռեզնիկովը։ Երգում կան բազմաթիվ սեմփլներ և հատվածներ վերցված իտալական Eiffel 65 խմբի 1998 թվականին թողարկված «Blue (Da Ba Dee)» երգից, այդկերպ Eiffel 65 խմբի անդամներ Ջեֆրի Ջեյը և Մաուրիսիո Լոբինան, նաև պաշտոնական երգի համապրոդյուսեր Մասսիմո Գաբութին ստացել են հեղինակների ճանաչումը։ Երգը ներառվել է Ռեքսայի երրորդ ստուդիական «Bebe» (2023) ալբոմում[1]։
«I'm Good (Blue)» երգը ձայնագրվել, կատարվել և ռեմիքսացվել է մինչ 2022 թվականին TikTok-ում հայտնի դառնալը։ Մինչ որպես սինգլ թողարկվելը Ռեքսան վերաձայնագրել է իր վոկալը երգի համար։ Այն գլխավորել է 22 երկրների հիթ-շքերթներ, ինչպիսիք են Ավստրալիան, Ավստրիան, Կանադան, Դանիան, Ֆինլանդիան, Գերմանիան, Նիդեռլանդները, Նորվեգիան, Շվեդիան, Շվեյցարիան և Միացյալ Թագավորությունը։ Այն նաև հասել է լավագույն տասնյակին տասնվեց այլ երաժշտական շուկաներում, ներառյալ Ֆրանսիան և ԱՄՆ-ն, նաևզբաղեցրել է երկրորդ հորիզոնականը Billboard Global 200 հիթ-շքերթում։ Այն ունի պլատինե կամ ավելի բարձր հավաստագրում տասնչորս երկրներում, նաև ադամանդե հավաստագրում Ֆրանսիայում։ Երգը առաջադրվել է «Լավագույն պարային/էլեկտրոնային ձայնագրություն» անվանակարգում՝ «Գրեմմի» 65-րդ ամենամյա մրցանակաբաշխության ժամանակ և արժանացել է MTV Europe Music Award մրցանակի՝ լավագույն համագործակցության համար և iHeart Radio Music Award մրցանակի՝ տարվա պարային երգի անվանակարգում։